Հայկական ջրհոր
| Հայկական ջրհոր Вірменська криниця | |
|---|---|
.jpg) Հայկական ջրհորը | |
| Երկիր | Ուկրաինա |
 | |
 | |
Հայկական ջրհոր (ուկր.՝ Вірменська криниця), ճարտարապետական հուշարձան Ուկրաինայի Կամենեց-Պոդոլսկ քաղաքում, որը կառուցվել է 1581[1] (այլ աղբյուրներով՝ 1638[2]) թվականին՝ քաղաքի հայ բնակիչների կողմից։ Գտնվում է Հին քաղաքի կենտրոնում։
Պատմություն
[խմբագրել | խմբագրել կոդը]1581 (կամ 1638) թվականին, նրանք կառուցել են ջրհոր, որը բնակչության շրջանում հայտնի էր դարձել «Հայկական ջրհոր» անվանումով[1]։ Շինարարությունը իրագործվել էր հայ հարուստ վաճառական Ներսեսի հովանավորչությամբ[2][3]։ Սակայն ջրհորի ջուրը խմելու համար պիտանի չէր, քանի որ պարունակում էր մեծ քանակությամբ աղեր, ուստի գործածվում էր այլ կարիքների համար։
Երկրորդ համաշխարհային պատերազմի տարիներին ջրհորը խիստ վնասվել էր։ Վերանորոգվել է 1956 թվականին, իսկ 1960 թվականից ծառայել որպես պահեստ[2]։ Այն պահպանվում է պետության կողմից՝ որպես հնության հուշարձան[1]։
Ճարտարապետություն
[խմբագրել | խմբագրել կոդը]Հայկական ջրհորն իրենից ներկայացնում է ոչ բարձր, բարոկկո ոճի ութանկյուն աշտարակ, որում առկա է հոծ ապառաժի մեջ փորված, 5 մ լայնությամբ և 30 մետրից ավելի խորություն ունեցող ջրհոր[1]։ Ջրհորի վրա կառուցված աշտարակի չափսերը կազմում են 12x12 մ։ Շինության բարձրությունը 14 մ է, իսկ պատերինը՝ 8 մ։ Աշտարակի արտաքին պատերից դուրս են ելնում քառանկյուն ու հարթ որմնասյուներ, որոնք գետնախարիսխի մոտ հենվում են հիմքին։ Շինության արևելյան կողմում գտնվում է մուտքի դուռը, իսկ հարավային, հյուսիսային և արևմտյան պատերին, մարդու հասակից քիչ ավելի բարձրության վրա, առկա են 1 մ տրամաչափ ունեցող շրջանաձև պատուհաններ[2]։
Ծանոթագրություններ
[խմբագրել | խմբագրել կոդը]- ↑ 1,0 1,1 1,2 1,3 Вартан Григорян (1980). «Глава I. Подольская земля и возникшие там древшейшие армянские колонии. // Каменец-Подольский». История армянских колоний Украины и Польши (армяне в Подолии). АН Армянской ССР. Արխիվացված է օրիգինալից 2013 թ․ հունվարի 8-ին. Վերցված է 2012 թ․ դեկտեմբերի 17-ին.
- ↑ 2,0 2,1 2,2 2,3 С. Шкурко (1968). «Армянские архитектурные памятники в городе Каменец-Подольске» (PDF). Историко-филологический журнал № 2 . pp. 233-243. Արխիվացված (PDF) օրիգինալից 2013 թ․ հունվարի 8-ին. Վերցված է 2012 թ․ նոյեմբերի 28-ին.
- ↑ Дж. О. Галустян (1975). «Из истории строительной деятельности в армянских поселениях Польши» (PDF). Историко-филологический журнал № 3. pp. 135-148. Արխիվացված է օրիգինալից (PDF) 2013 թ․ հունվարի 8-ին. Վերցված է 2012 թ․ դեկտեմբերի 17-ին.